លទ្ធផលបណ្តោះអាសន្នគិតត្រឹមព្រឹកនេះ ប្រទេសហ្វីលីពីនកំពុងនាំមុខគេ ឯកម្ពុជាយើងកំពុងស្ថិតនៅលំដាប់ទី…...

ក្នុងការប្រកួត Miss Grand International ២០១៧ ដែលប្រព្រឹត្តទៅនៅប្រទេសវៀតណាម នៅយប់ថ្ងៃទី១២ ខែតុលា នេះក្នុងវគ្គប្រកួតឈុតប្រពៃណីជាតិស្អាតបំផុត។ ក្នុងនោះ Miss Grand កម្ពុជា កញ្ញា ខ្លឹម ស្រីគា បានបង្ហាញឈុត “ទេវីក្រុងកម្ពុជាធិបតី” លើឆាកអន្តរជាតិទៅកាន់ពិភពលោក។ ដូចដែលយើងបានដឹងហើយថា លទ្ធផលពានរង្វាន់កិត្តិយស Best National Costume Award គឺជាពិន្ទុដែលបូករួមជាមួយនឹងការ Vote គាំទ្រ។



ក្រោយរំលងផុតថ្ងៃទីមួយ នៃការសរុបលទ្ធផល ប្រទេសកម្ពុជាយើងគឺស្ថិតជាប់ជាប្រទេសទាំង ១៥ ដែលទទួលបានពិន្ទុខ្ពស់បំផុត។ ដោយគិតមកដល់វេលាម៉ោង ៩ព្រឹក ថ្ងៃទី ១៤ នេះ ឈុតជាតិរបស់ខ្មែរគឺស្ថិតក្នុងលំដាប់ពិន្ទុទី ២ ដោយក្នុងនោះមានដូចជា៖ ១. ហ្វីលីពីនទទួលបានការ Like 241k និង share 291k ២.កម្ពុជាទទួលបានការ like 180k និង share 312k ៣.ឥណ្ឌូនេស៊ីទទួលបានការ Like 140k និង share 606k ៤.វៀតណាមទទួលបានការ like 86k និង share 410k ៥.ឡាវទទួលបានការ like 69k និង share 83k

គួរបញ្ជាក់ផងដែរថា ដើម្បីចូលរួមជួយផ្ដល់ពិន្ទុចំពោះឈុត National Costume នៃបេក្ខនារី Miss Grand លោកអ្នកគ្រាន់តែចុច LIKE និង SHARE ចំពោះរូបថតរបស់បេក្ខនារីនៅលើ Page Miss Grand International រឺចុចចូលទៅកាន់ Link Miss Grand International ដើម្បី Vote រហូតដល់ថ្ងៃទី១៥ ខែតុលា វេលាម៉ោង៩យប់។ ហេតុនេះ សូមជួយផ្តល់នូវការគាំទ្រឈុតប្រចាំជាតិ ” ទេវីក្រុងកម្ពុជាធិបតី ” នៃបេក្ខនារី ខ្លឹម ស្រីគា ដែលជា Miss Grand ដើម្បីកម្ពុជាទទួលបានជ័យលាភី៕